Qırımda qıtaiy Ukrainadan elektrik energiyasınıñ söndürilmesi neticesinde içtimaiy vaziyet beterleşecektir. Bunı Radio Svoboda efirinde «Vostok-SOS» hayriye fondunıñ reberi Aleksandra Dvoretskaya bildirdi.
«Qırımda, aqiqaten, ağır itçimaiy vaziyet, ileride de tek beterleşecek», – qayd etti Dvoretskaya.
Onıñ sözlerine köre, energetik qamaçavından eñ çoq ufaq meskün yerler zarar köre, anda bir qaç kün içinde elektrik energiyasını tek eki-üç saatke bere ediler.
«Bağ, yarıq, suv ve ilâhre büyük şeerlerde olsa, Aqmescitten 10-15 km civarında yerleşken bazı meskün yerlerde bu künleri elektrik energiyası bir-eki saatke berile edi. Ufaq balalı qorantalar vaziyetke pek ağır dayana», – dey o.
Noyabr 22-ne keçer gecesi Herson vilâyetiniñ Çaplinka qasabası rayonında patlavlar yüz berdi. Qırım qamaçavı boyunca vatandaşlıq qamaçavı ştabında bildirilgeni kibi, «Qırımnı elektrika ile teminlegen elektrik bericileriniñ yolağı tüşti ve ğayrıdan tiklenemez».
Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Qırım Fevqulâde işler nazirligi fevqulâde vaziyetniñ kirsetilmesi aqqında teniyeley edi. Noyabr 23 künü yarımadada raatlıq künü olaraq ilân etilgen edi.
Noyabr 24 künü «Ukrenergo» bildirgeni kibi, işçiler bozulğan tiremelerniñ birini – «Kahovka – Titan» tiremesini tamirlediler.
