Qırımda 19 meskün yer bütünley ışıqsızdır. Bunı «Krımenergo» şirketiniñ başı Viktor Plakida noyabr 26 künü rusiyeli ükümette keçirilgen muşaverede bildirdi, haber ete Qırım.Aqiqat mühbiri.
Sözlerine köre, çarşenbe künü, noyabr 25-de, aqşam böyle 335 meskün yer bar edi. Plakidanıñ qayd etkenine köre, ışıqsız qalğan qasabalarnıñ miqdarını yarımadağa kelgen Rusiye energetika hadimleriniñ yardımı ile qısqartıp oldılar. Böyle 88 brigada bar, mütenasip donatuvları ile muhtar sürette çalışalar.
Noyabr 22-ne keçer gecesi Herson vilâyetiniñ Çaplinka qasabası rayonında patlavlar yüz berdi. Qırım qamaçavı boyunca vatandaşlıq qamaçavı ştabında bildirilgeni kibi, «Qırımnı elektrika ile teminlegen elektrik bericileriniñ yolağı tüşti ve ğayrıdan tiklenemez».
Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Qırım Fevqulâde işler nazirligi fevqulâde vaziyetniñ kirsetilmesi aqqında teniyeley edi. Noyabr 23 künü yarımadada raatlıq künü olaraq ilân etilgen edi.
Noyabr 24 künü «Ukrenergo» bildirgeni kibi, işçiler bozulğan tiremelerniñ birini – «Kahovka – Titan» tiremesini tamirlediler.
Elektrik teminlevi ile eñ beter vaziyet Keriç, Şçolkino, Qırım şimalinde, Bağçasaray, Aqşeyh, Aqmeçet, Cürçi rayonlarında qayd etile.
