Link açıqlığı

Saatnıñ esas haberi

«Krım SOS» Qırımda insan aqlarınıñ bozuluvı boyunca haritanı azırlay – Taşeva


«Krım SOS» cemaat teşkilâtı Qırımda insan aqlarınıñ bozuluvı boyunca interaktiv haritanı azırlay: şimdilik 173 vaqia qayd etilgen.

Bunı Qırım.Aqiqat Radiosınıñ aqaşm efirinde «Krım SOS» cemaat teşebbüsiniñ reberi Tamila Taşeva bildirdi.

«Anda insan aqlarınıñ 173 bozuluvı qayd etilgen. Yani, mahkeme taqibi, qanunsız yaqalav, ğayıp olğanlar, vicdan ve din serbestligi – 173 iş. Açılmağan işler, halqara uquq qaidelerinde açıqtan aydınlatılğan ziddiyetlerdir», – qayd etti Taşeva.

Ekspert şimdi Qırımda «açıq mahkeme taqiqatı olmağanı ve, ğalibа, olmaycağını» qayd etti.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG