Link açıqlığı

Saatnıñ esas haberi

Qırımda benzin paalılaştı


Qırımda yaqarlıqnıñ satuvı etrafında olğan şamata yaqarlıq stantsiyalarınıñ saiрlerini benzin fiyatlarını kötermege meсbur etti.

Qırım.Aqiqat mühbiri bildirgeni kibi, A-95 benzini TES stantsiyalarında noyabr 25 künü 50 kapikke paalılaştı. Al-azırda 40 ruble 40 kapik tura, yaqında ise 39,90 ruble edi.

Firma yolbaşçılığı fiyatnıñ köterilmesini yaqarlıqnıñ Rusiyeden ketirilmesi ile añlattı, onıñ içün fiyatı paalıca ola.

Qırım benzin stantsiyalarında avto saipleri arasında alâ daa şamata qayd etile. Bir qısmı qapatılğan.

Qırım akimiyeti işandırğanına köre, Qırımda yaqarlıq tam derecede yeterlidir. Qırımınñ rusiyeli başı Sergey Aksenov fiyatlarnı kötergen iş adamlarını «qara cedvel» ile qorquzdı.

Noyabr 22-ne keçer gecesi Herson vilâyetiniñ Çaplinka qasabası rayonında patlavlar yüz berdi. Qırım qamaçavı boyunca vatandaşlıq qamaçavı ştabında bildirilgeni kibi, «Qırımnı elektrika ile teminlegen elektrik bericileriniñ yolağı tüşti ve ğayrıdan tiklenemez».

Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Qırım Fevqulâde işler nazirligi fevqulâde vaziyetniñ kirsetilmesi aqqında teniyeley edi. Noyabr 23 künü yarımadada raatlıq künü olaraq ilân etilgen edi.

Noyabr 24 künü «Ukrenergo» bildirgeni kibi, işçiler bozulğan tiremelerniñ birini – «Kahovka – Titan» tiremesini tamirlediler.

XS
SM
MD
LG