Link açıqlığı

Aqmescitte Kiyev rayon mahkemesi Qırımtatar Milliy Meclisi reisiniñ muavini Ahtem Çiygoz ve onıñ imayesine işiniñ malümatı ile tanışuv müddetini 2015 senesi dekabr 4-ne qadar qısqarttı. Bunı Meclis reisiniñ birinci muavini Nariman Celâl bildirdi.

«Bugün Aqmescitniñ Kiyev rayon mahkemesinde taqiqatçınıñ Ahtem Çiygoz ve onıñ imayesine işiniñ malümatı ile tanışuv müddetini 2015 senesi dekabr 4-ne qadar qısqartmaq aqqında şefaatını baqtılar. Taqiqatnıñ bildirgenine köre, Çiygoz aselet işniñ 24 cıltı ile tanışuv müddetini uzattıra. Şimdilik imayesi tek altı-yedi cıltnı ögrendi. Öyle aşıqmaq kerekmi, evel taqiqat uzattırıla edi, añlaşılmay», – yazdı o Facebookta.

Onıñ sözlerine köre, Çiygoznıñ 2015 senesi yanvar 29-da yaqalanuvından evel oña qarşı delillerni bergen gizli şaat bar eken.

«Mahkemeci qararnı oqup Çiygozndan «Er şeyni añladıñızmı?» sorağanda, o: «Añlaşılmazmı? Başqa qarar alsa ediñiz, mında menim yerimde siz olur ediñiz», – dedi Celâl.

Qırımtatar Milliy Meclisi reisiniñ muavini Ahtem Çiygoznı Qırım parlamenti yanında 2014 senesi fevral 26-da keçirilgen kütleviy tertipsizliklerni meydanğa ketirmesi boyunca qabaatlap, 2015 senesi yanvar 29-da yaqaladılar.

Aqmescitniñ Kiyev rayon mahkemesinde noyabr 17 künü Qırımtatar Milliy Meclisi reisiniñ muavini Ahtem Çiygoznıñ ceza qararı boyunca mahkeme toplaşuvı keçti, neticede apis müddetini 2016 senesi yanvar 29-na qadar uzattılar.

XS
SM
MD
LG