Link açıqlığı

Saatnıñ esas haberi

Aqmescitte çoq qatlı evlerde liftlerni söndüreler


Aqmescitniñ rusiyeli akimiyet elektrik energiyasınıñ söndürilmesi sebebinden çoq qatlı evlerde liftlerni söndürmege qarar aldı. Bu aqta şeerniñ rusiyeli memuriyetiniñ matbuat hızmeti bildire.

Böylece, «Jilservisniñ» şirketlerine ve idareci teşkilâtlarğa «25.11.2015 senesi çoq daireli mesken evlerde liftlerni söndürmege» avale etildi.

Aqmescitniñ rusiyeli memuriyeti fevqulâde vaziyet rejiminiñ lâğu etilmesine qadar energiya qullanuvını sıñırladı.

Aynı böyle rejim Aqyarda da ilân etilgen.

Noyabr 22-ne keçer gecesi Herson vilâyetiniñ Çaplinka qasabası rayonında patlavlar yüz berdi. Qırım qamaçavı boyunca vatandaşlıq qamaçavı ştabında bildirilgeni kibi, «Qırımnı elektrika ile teminlegen elektrik bericileriniñ yolağı tüşti ve ğayrıdan tiklenemez».

Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Qırım Fevqulâde işler nazirligi fevqulâde vaziyetniñ kirsetilmesi aqqında teniyeley edi. Noyabr 23 künü yarımadada raatlıq künü olaraq ilân etilgen edi.

Noyabr 24 künü «Ukrenergo» bildirgeni kibi, işçiler bozulğan tiremelerniñ birini – «Kahovka – Titan» tiremesini tamirlediler.

XS
SM
MD
LG