Link açıqlığı

Aqmescit sakinleri ötmek qıtlığına şikâyet etmekteler. Qırım.Aqiqat mühbiri bildirgeni kibi, ticariy ağda elektroteminlevniñ daimiy söndürilüvi sebebinden ötmek mahsulatı yetişmey.

Aqmescitniñ merkeziy çarşısında ötmekni almağa istegenlerden uzun nevbetler tizile, üylege tükânlarda boş raflar qala. Ötmekni satqan küçük erzaq tükânları büyük ötmek zavodlarınıñ mahsulatına keçmege mecbur. Amma işbu şirketlerniñ ötmek mahsulatı aqmescitlilerge yetişmey.

Evel bildirilgeni kibi, Canköy rayonı köyleriniñ sakineri mahsulat qıtlığından saqınıp, rayon merkezine kele ve anda ötmekni çuvallarnen satın ala.

Işıqsız qalğan Keriçte ötmekni öyle tez satın alalar ki, onı atta tükânlarğa ketirmege yetiştirmeyler. Aqyarda da büyük nevbetler peyda olmağa başladı.

Noyabr 22-ne keçer gecesi Herson vilâyetiniñ Çaplinka qasabası rayonında patlavlar yüz berdi. Qırım qamaçavı boyunca vatandaşlıq qamaçavı ştabında bildirilgeni kibi, «Qırımnı elektrika ile teminlegen elektrik bericileriniñ yolağı tüşti ve ğayrıdan tiklenemez».

Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Qırım Fevqulâde işler nazirligi fevqulâde vaziyetniñ kirsetilmesi aqqında teniyeley edi. Noyabr 23 künü yarımadada raatlıq künü olaraq ilân etilgen edi.

Noyabr 24 künü «Ukrenergo» bildirgeni kibi, işçiler bozulğan tiremelerniñ birini tamirlemege başlağanlar.

XS
SM
MD
LG