Qırımnıñ rusiyeli akimiyeti noyabr 30-na qadar yarımada mektep ve bala bağçalarında plandan tış tatillerni ilân etmege qarar aldı. Bunı Sergey Aksenov Rusiye energetika naziri yolbaşçılığı altında keçken Qırım istimalcıları içün energoteminleviniñ ğayrıdan tiklenmesi meseleleri boyunca toplaşuv neticesinde bildirdi.
«Qarar alındı, er keske haber eteler. Balalar evlerinde olacaq», – dey Aksenov
Qırım rusiyeli akimiyetiniñ matbuat hızmeti bildirgeni kibi, mütenasip qarar Qırım ükümetiniñ saytında aşkâr etilecek.
Noyabr 22-ne keçer gecesi Herson vilâyetiniñ Çaplinka qasabası rayonında patlavlar yüz berdi. Qırım qamaçavı boyunca vatandaşlıq qamaçavı ştabında bildirilgeni kibi, «Qırımnı elektrika ile teminlegen elektrik bericileriniñ yolağı tüşti ve ğayrıdan tiklenemez».
Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Qırım Fevqulâde işler nazirligi fevqulâde vaziyetniñ kirsetilmesi aqqında teniyeley edi. Noyabr 23 künü yarımadada raatlıq künü olaraq ilân etilgen edi.
Noyabr 24 künü «Ukrenergo» bildirgeni kibi, işçiler bozulğan tiremelerniñ birini tamirlemege başlağanlar.
