«Ukrenergo» tamir brigadası Herson vilâyetinde bozulğan elektrik yolaqlarından birini tamirledi – «Kahovka-Titan».
Bu aqta şirketniñ matbuat hızmetinde aqşam bildirdiler.
«Ağır iş şaraitlerine baqmadan (küçlü yağmur, ruzgâr, sılaq topraq), «NEK «Ukrenergo» brigadaları 220 kV «Kahovka – Titan» VL ğayrıdan tiklenüvi boyunca künge planlaştırılğan işini becerdiler. Bozulğan tireme devirilgen, yañı demir-beton tiremesi tiklenildi, qomşu ortaq tiremelerni doğruttı ve pekittiler», – deyler matbuat hızmetinde.
Noyabr 22-ne keçer gecesi Herson vilâyetiniñ Çaplinka qasabası rayonında patlavlar yüz berdi. Qırım qamaçavı boyunca vatandaşlıq qamaçavı ştabında bildirilgeni kibi, «Qırımnı elektrika ile teminlegen elektrik bericileriniñ yolağı tüşti ve ğayrıdan tiklenemez».
Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Qırım Fevqulâde işler nazirligi fevqulâde vaziyetniñ kirsetilmesi aqqında teniyeley edi. Noyabr 23 künü yarımadada raatlıq künü olaraq ilân etilgen edi. Noyabr 24 künü «Ukrenergo» bildirgeni kibi, işçiler bozulğan tiremelerniñ birini tamirlemege başlağanlar.
