Link açıqlığı

Saatnıñ esas haberi

Aqyarda mobil bağı yoq oldı


Noyabr 25 künü Aqyarda mobil bağı çalışmay.

Qırım.Aqiqat mühbiri bildirgeni kibi, şeerde ne «WIN», ne «MTS Rossiya» operatorları çalışmay – atta acele nomeralarğa telefon etilmey – politsiya, yanğın hızmeti, «acele yardım».

Telefon etilgende, ekranlarda «bağ üzüldi» ya da «bağ yoq» yazıları çıqa.

Elektrik ağı şeerde, aşkâr etilgen cedvellerge baqmadan, üç degil, yedi-sekiz saatke söndürile. Böylece, şeerniñ büyük rayonlarınıñ birinde – Gagarin rayonı – ekinci kün elektrik ağı saat altıda berile ve sabağa yaqın söndürile.

Sakinler «Sevastopolenergo» nomeralarına telefon etmege imkânları olmağanına şikâyet eteler.

Bunı teşkermek içün Aqyar ükümetiniñ reisi Sergey Menâylo şahsen dispetçerge telefon etecek edi, olamadı. Bundan soñ dispetçer nomeralarınıñ miqdarını arttırmağa avale etti.

Noyabr 22-ne keçer gecesi Herson vilâyetiniñ Çaplinka qasabası rayonında patlavlar yüz berdi. Qırım qamaçavı boyunca vatandaşlıq qamaçavı ştabında bildirilgeni kibi, «Qırımnı elektrika ile teminlegen elektrik bericileriniñ yolağı tüşti ve ğayrıdan tiklenemez».

Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Qırım Fevqulâde işler nazirligi fevqulâde vaziyetniñ kirsetilmesi aqqında teniyeley edi. Noyabr 23 künü yarımadada raatlıq künü olaraq ilân etilgen edi. Noyabr 24 künü «Ukrenergo» bildirgeni kibi, işçiler bozulğan tiremelerniñ birini tamirlemege başlağanlar.

XS
SM
MD
LG