Noyabr 24-den Yaltada bala bağçaları işini toqtata, umumtasil mektepleri qısqartılğan rejimde çalışacaq.
Yalta şeeriniñ rusiyeli memuriyeti başınıñ muavini Yelena Pereverzeva aytqanı kibi, noyabr 24-den umumtasil mekteplerniñ işi kene qısqartıla.
«Dersler 30, teneffüsler – 5 daqqa olacaq. Dersler saat 8:30 ya da 9:00 (yerli vaqıt boyunca) başlana. Aş – quru aş payı», – tarif etti Pereverzeva.
Aytqanı kibi, şimdi bala bağçalarınıñ işini imkânsız köre.
«Noyabr 24-den bala bağçalarınıñ işini toqtatmağa teklif etemiz. Qoşma tasil müessiseleri tasil ve medeniyet saasında, kitaphane ve müzeyler adetiy rejim boyunca çalışacaq, yarıqlnı künniñ uzunlığına köre», – dedi memuriyet başınıñ muavini.
Onıñ sözlerine binayen, ileride tasil müessiseleri ve bala bağçalarınıñ işi «Krımenergo» cedvellerine köre çalışacaq.
Noyabr 22-ne keçer gecesi Herson vilâyetiniñ Çaplinka qasabası rayonında patlavlar yüz berdi. Qırım qamaçavı boyunca vatandaşlıq qamaçavı ştabında bildirilgeni kibi, «Qırımnı elektrika ile teminlegen elektrik bericileriniñ yolağı tüşti ve ğayrıdan tiklenemez».
Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Qırım Fevqulâde işler nazirligi fevqulâde vaziyetniñ kirsetilmesi aqqında teniyeley edi. Noyabr 23 künü yarımadada raatlıq künü olaraq ilân etilgen edi. Noyabr 24 künü «Ukrenergo» bildirgeni kibi, işçiler bozulğan tiremelerniñ birini tamirlemege başlağanlar.
