Link açıqlığı

Canköy rayonı köyleriniñ sakinleri elektrik ağınıñ olmamasından sebep mahsulat qıtlığından saqınıp, rayon merkezine kelip, zaruriy şeylerni satın almaqta. Birinci nevbette köylüler ötmekni tedarik etmege tırışa.

Bunı Qırım.Aqiqat Radiosınıñ saba efirinde Canköy sakini Yekaterina bildirdi.

«Köyler şeerge ötmek kombinatına kele ve çuvallarnen ötmekni satın ala, çünki ötmek anda ketirilmey. Ötmek kombinatımız çalışa. Dizel generatornı işlettiler, problemleri yoq», – dedi o.

Canköy sakini degeni kibi, erzaq ile problemleri yoq, amma tükânlarda batareya ve çıraqlar bitti. Elektrik ceryanı şeerde 3-4 saatke berille, dey qadın.

Noyabr 22-ne keçer gecesi Herson vilâyetiniñ Çaplinka qasabası rayonında patlavlar yüz berdi. Qırım qamaçavı boyunca vatandaşlıq qamaçavı ştabında bildirilgeni kibi, «Qırımnı elektrika ile teminlegen elektrik bericileriniñ yolağı tüşti ve ğayrıdan tiklenemez».

Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Qırım Fevqulâde işler nazirligi fevqulâde vaziyetniñ kirsetilmesi aqqında teniyeley edi. Noyabr 23 künü yarımadada raatlıq künü olaraq ilân etilgen edi. Noyabr 24 künü «Ukrenergo» bildirgeni kibi, işçiler bozulğan tiremelerniñ birini tamirlemege başlağanlar.

Qırımda insanlar generatorlarnı, çıraqlarnı satın ala, Qırım AZSlerinde şamata qayd etile.

XS
SM
MD
LG