Aqmescitte elektrik energiyasınıñ söndürilmesi sebebinden bazareretsi künü, noyabr 23-de, tükânlarda ötmek qıtlığı yüz berdi. Qırım.Aqiqat mühbiri bildirgeni kibi, Aqmescitte ötmek mahsulatı küçük şahsiy furun işhanelerinde pişireler, olar tek elektrik energiyası vastası ile çalışa.
Olarnıñ büyük bir qısmında yedek generataroları yoq. «Bulkin» (evelki «Krımhleb») kibi büyük istisalcılarnıñ mahsulatı üylege qadar satıla.
Evel bildirilgeni kibi, ceryansız qalğan Keriçte yerli sakinler ötmekni öyle tez satın ala ki, onı atta tükânlarğa ketirip yetiştirmeyler.
Noyabr 22-ne keçer gecesi Herson vilâyetiniñ Çaplinka qasabası rayonında patlavlar yüz berdi. Qırım qamaçavı boyunca vatandaşlıq qamaçavı ştabında bildirilgeni kibi, «Qırımnı elektrika ile teminlegen elektrik bericileriniñ yolağı tüşti ve ğayrıdan tiklenemez».
Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Qırım Fevqulâde işler nazirligi fevqulâde vaziyetniñ kirsetilmesi aqqında teniyeley edi. Noyabr 23 künü yarımadada raatlıq künü olaraq ilân etilgen edi.
