Link açıqlığı

Herson vilâyetinde bozulğan tiremelerni uquq qoruyıcılar sarıp alğan, faallerni qaytardılar – politsiya


Herson vilâyetinde Milliy politsiya idaresinde deyler ki, Çaplinka yönelişinde elektrik bericileriniñ bozulğan yolaqlarını uquq qoruyıcılar sarıp, mında topraqlanuv işlerini keçirecek, faallerni havflı yerden qaytardılar, dep bildire Ukraina İçki işler nazirliginiñ saytı.

«Qıırm qamaçavı iştirakçileri ile ziddiyet al etildi, uquq qoruycılar qanuniyet çerçivesinde çalışa, tamir gruppalarına Herson vilâyetinde Çaplinka yönelişinde bozulğan elektrik tiremelerinde işke başlamağa imkân yarata. Mında bulunğan Qırım qamaçavı iştirakçileri havflı rayondan çıqarıldı. Vaqia yerinde «Herson» batalyonı ve Milliy gvardiya askerleri buluna», – denile beyanatta.

Herson vilâyetinde Milliy politsiya Baş idaresiniñ reberi Artur Merikov degeni kibi, narazıcılarğa nisbeten mahsus vasta qullanılmadı.

Noyabr 22-ne keçer gecesi Herson vilâyetiniñ Çaplinka qasabası rayonında patlavlar yüz berdi. Qırım qamaçavı boyunca vatandaşlıq qamaçavı ştabında bildirilgeni kibi, «Qırımnı elektrika ile teminlegen elektrik bericileriniñ yolağı tüşti ve ğayrıdan tiklenemez».

Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Qırım Fevqulâde işler nazirligi fevqulâde vaziyetniñ kirsetilmesi aqqında teniyeley edi. Noyabr 23 künü yarımadada raatlıq künü olaraq ilân etilgen edi.

XS
SM
MD
LG