Link açıqlığı

Qırımda elektrik ağınıñ üzülmesi sebebinden çıraq, generator ve batareya fiyatlarını köterdiler. Qırım.Aqiqat mühbiri bildirgeni kibi, Aqmescitte orta bir çıraqnıñ fiyatı bazar künü, nobâr 22-de, 20 ruble tura edi. Amma bazarertesi, noyabr 23 künü, eki qat paalılaştı.

Endi aynı böyle çıraq 40 rubleden (bir 15 grivna) satıla. Müşteriler arasında şamata qayd etile.

Bunıñ ile Qırımda batareyalar paalılaştı: bir qaç kün evelsi bir taqımı 10 ruble olsa, şimdi 50 rubleden satıla.

Fiyatı eñ çoq köterilgen – generatorlar. Qırımlılarnıñ malümatına köre, Qırım boyunca farqlı ticariy noqtalarda generatorlarnıñ fiyatı 17-39 biñ ruble. Yıl evelsi aynı bu generatorlar 10-14 biñ tura edi.

Noyabr 22-ne keçer gecesi Herson vilâyetiniñ Çaplinka qasabası rayonında patlavlar yüz berdi. Qırım qamaçavı boyunca vatandaşlıq qamaçavı ştabında bildirilgeni kibi, «Qırımnı elektrika ile teminlegen elektrik bericileriniñ yolağı tüşti ve ğayrıdan tiklenemez».

Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Qırım Fevqulâde işler nazirligi fevqulâde vaziyetniñ kirsetilmesi aqqında teniyeley. Noyabr 23 künü yarımadada raatlıq künü olaraq ilân etilgen edi.

XS
SM
MD
LG