Aqşam maalde Aqmescitni elektrik energiyasını iqtisat etmek maqsadı ile aydanlatmaylar. Qırım paytahtında tış yarıq çalışmay.
Amma, Qırım.Aqiqat mühbiri bildirgeni kibi, Aqmescit merkezinde Kuybışev rayonında yerleşken bir bina üstünde Rusiye prezidenti Vladimir Putinniñ süreti aqşam maalde aydınlatıla.
Evel bildirilgeni kibi, Aqmescit akimiyetiniñ avalesi ile şeerde tış yarıq ve yarıqlı reklama söndrilgen. Qavehane ve meyhane saipleri saat 22:00 qapalmağa mecbur.
Noyabr 22-ne keçer gecesi Herson vilâyetiniñ Çaplinka qasabası rayonında patlavlar yüz berdi. Qırım qamaçavı boyunca vatandaşlıq qamaçavı ştabında bildirilgeni kibi, «Qırımnı elektrika ile teminlegen elektrik bericileriniñ yolağı tüşti ve ğayrıdan tiklenemez».
Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Qırım Fevqulâde işler nazirligi fevqulâde vaziyetniñ kirsetilmesi aqqında teniyeley.
