Link açıqlığı

Qırımnıñ Bağçasaray rayonında keçken kün içinde evlerge tek 2 saatke yarıq berildi. Bunı Qırım.Aqiqat mühbiri bildire.

Mobil ağı çalışa, amma zayıf. Bazarertesi künü erzaq tükânları açıldı ve dizel generatorlarını qullana.

Yerli sakinler evlerinde suvuqqa şikâyet etmey, tışarıda +20.

Bağçasaray RES reberi Yuriy Dekonçuk dey ki, rayon «bütünley ceryansızdır».

«Rayonğa köre, şeerde vaziyet eyice… Gece bizge 15 megavatt berdiler, köylerni 2-3 saatke teminledik. Rayonnı idare etip olamaymız, çünki elektrik energiyası Aqmescit yolaqlarından berile», – dedi o.

Dekonçuknıñ sözlerine köre, içtimaiy müessiseler «ihtiyaclarına köre» generatorlar içün dizel yaqarlığı ile teminlengen.

Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Qırım Fevqulâde işler nazirligi fevqulâde vaziyetniñ kirsetilmesi aqqında teniyeley. Noyabr 23 künü yarımadada raatlıq künü olaraq ilân etilgen.

Qırım.Aqiqat mühbirleri bildirgeni kibi, bala bağçaları, mektep ve aliy oquv yurtları çalışmay. Hastahane, poçta, ava limanı, demiryol vokzalı çalışa.

XS
SM
MD
LG