Qırımnıñ elektrik teminleviniñ ğayrıdan tiklenüvine bir qaç saat kerek, dedi noyabr 23 künü Rusiye energetika naziri Aleksandr Novak.
Amma bu «tamir brigadaları tiklenüv işlerine başlasa ve soñunace yapsa», bundan soñ olacaq, dedi memur.
«Ukrain tarafından elektrik teminlevini tiklemek içün küç ve vasta yeterlidir», – dey Rusiye naziri.
Noyabr 23 künü Qırım qamaçavı iştirakçileri Herson vilâyetinde elektrik tiremelerini blok etmege devam ete.Noyabr 22-ne keçer gecesi Herson vilâyetiniñ Çaplinka qasabası rayonında patlavlar yüz berdi. Qırım qamaçavı boyunca vatandaşlıq qamaçavı ştabında bildirilgeni kibi, «Qırımnı elektrika ile teminlegen elektrik bericileriniñ yolağı tüşti ve ğayrıdan tiklenemez».
Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Qırım Fevqulâde işler nazirligi fevqulâde vaziyetniñ kirsetilmesi aqqında teniyeley. Noyabr 23 künü yarımadada raatlıq künü olaraq ilân etilgen.
Ukrain uquq qoruyıcıları elektrik tiremeleriniñ bozuluvı boyunca cinaiy işlerni açtı. Qırımda yarımadanıñ rusiyeli prokuraturası yarımadağa elektrik energiyasınıñ berilmemesini taqiq ete.
