Link açıqlığı

Bazarertesi künü, beklenilgeni kibi, Herson vilâyetinde «Ukrenergo» devlet şirketiniñ temsilcileri Qırım qamaçavı boyunca aktsiya iştirakçileri ile muzakere keçircektir. Bu aqta şirketniñ matbuat hızmeti bildire.

Muzakereler neticesnde «Ukrenergo» NEK» devlet şirketiniñ müdiri Vsevolod Kovalçuknıñ vazifelerini eda etken şahısnıñ narazılıq bildirgenlerniñ yolbaşçılığı ile keçirilgen muzakereler neticesinde Cenübiy energosistemalarnıñ Herson MESnıñ müdiri İgor Aleksandroviç Boskeniñ qamaçav iiştirakçileriniñ temsilcileri ile körüşüvi aqqında qarar alındı. Körüşüv bugün olmalı», – denile beyanatta.

Şirkette deyler ki, noyabr 23 künü Qırım qamaçavı aktsiyasınıñ iştirakçileri «Ukrenergo» magistral ağlarınıñ hadimleri içün bozulğan yolaqlarğa irişim açmay.

«Yolaqlar topraqlanğan, tehnikiy hadimlerniñ iş yerleri azırlanğan. İşçilerge bütün zaruriy malzeme berildi, tehnika ve aletler, işçiler vaqia yeriniñ etrafında buluna ve qazaiy-tamir işlerine başlamağa azır», – qayd ettiler mında.

Qırım qamaçavı iştirakçileri Herson vilâyetinde elektrik tiremeleriniñ eki yolağına tamircilerini kirgizmege azır, dedi qırımtatar halqınıñ lideri Mustafa Cemilev

Noyabr 22-ne keçer gecesi Herson vilâyetiniñ Çaplinka qasabası rayonında patlavlar yüz berdi. Qırım qamaçavı boyunca vatandaşlıq qamaçavı ştabında bildirilgeni kibi, «Qırımnı elektrika ile teminlegen elektrik bericileriniñ yolağı tüşti ve ğayrıdan tiklenemez».

Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Qırım Fevqulâde işler nazirligi fevqulâde vaziyetniñ kirsetilmesi aqqında teniyeley. Noyabr 23 künü yarımadada raatlıq künü olaraq ilân etilgen.

Ukrain uquq qoruyıcıları elektrik tiremeleriniñ bozuluvı boyunca cinaiy işlerni açtı. Qırımda yarımadanıñ rusiyeli prokuraturası yarımadağa elektrik energiyasınıñ berilmemesini taqiq ete.

XS
SM
MD
LG