Link açıqlığı

Cemilev: Qırım qamaçavınıñ iştirakçileri tamircilerni eki yolaqqa kirgizmege azır


Qırım qamaçavı iştirakçileri Herson vilâyetinde elektrik tiremeleriniñ eki yolağına tamircilerini kirgizmege azır, dedi qırımtatar halqınıñ lideri Mustafa Cemilev LigaBiznesİnform neşirine.

Aytqanı kibi, söz Herson vilâyetiniñ bazı rayonlarını ve Zaporojye AESnе barğan yolaqnı temin etken yolaq aqqında kete.

«Şimdi biz mütehassıslarnı minadan temizlev ve tamir işlerniñ keçirilmesi içün kirgizmege azırmız. Anda Qırımnı dolanğan ve Herson vilâyetine barıp yetken bir yolaq bar. Anda da olar yarıqsız eken. Bu yolaqnı işlettirmek azırmız. Qıtaiy qısımda insanlar çekişmemeli. Daa bir yolaq Zaporojye AES ile bağlı», – dey Cemilev.

Sözlerine köre, Qırımda elektrik energiyasınıñ ğayrıdan teminlevi aqta muzakereler tek Rusiye ve işğal etilgen yarımadada ukrain siyasiy mabüsleriniñ azat etilmesinden soñ ola bile.

Qırımtatarlarnıñ yetekçisi tüşüngeni kibi, Qırımnıñ energetik qamaçavına cevap olaraq Rusiye Ukrainağa nisbeten nevbetteki ticariy sıñırlavlarnı kirsete bile.

Noyabr 22-ne keçer gecesi Herson vilâyetiniñ Çaplinka qasabası rayonında patlavlar yüz berdi. Qırım qamaçavı boyunca vatandaşlıq qamaçavı ştabında bildirilgeni kibi, «Qırımnı elektrika ile teminlegen elektrik bericileriniñ yolağı tüşti ve ğayrıdan tiklenemez».

Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Qırım Fevqulâde işler nazirligi fevqulâde vaziyetniñ kirsetilmesi aqqında teniyeley. Noyabr 23 künü yarımadada raatlıq künü olaraq ilân etilgen.

Ukrain uquq qoruyıcıları elektrik tiremeleriniñ bozuluvı boyunca cinaiy işlerni açtı. Qırımda yarımadanıñ rusiyeli prokuraturası yarımadağa elektrik energiyasınıñ berilmemesini taqiq ete.

XS
SM
MD
LG