Link açıqlığı

«Krımteplokomunenergo» bildirgeni kibi, qazan daireleriniñ işi vaqtınca toqtalğanı aqqında bildire. Şirkette bunı soqaqta «ava ğayet eyileşkeni» ile añlatalar.

Bunı Aqmescit rusiyeli memuriyetiniñ saytında bildireler.

Qayd etilgeni kibi, kerek olsa, «Krımteplokomunenergo» «eñ qısqa vaqıtta içtimaiy emiyeti olğan obyektlerni qızdırıp» ola.

Noyabr 22-ne keçer gecesi Herson vilâyetiniñ Çaplinka qasabası rayonında patlavlar yüz berdi. Qırım qamaçavı boyunca vatandaşlıq qamaçavı ştabında bildirilgeni kibi, «Qırımnı elektrika ile teminlegen elektrik bericileriniñ yolağı tüşti ve ğayrıdan tiklenemez».

Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Qırım Fevqulâde işler nazirligi fevqulâde vaziyetniñ kirsetilmesi aqqında teniyeley.

«Krımenergo» malümatına köre, Ukraina ağından elektrik energiyası ile teminlev 1 210 megavatt miqarında etile edi. Qırımnıñ orta qullanuvı – 1100 megavattnı teşkil ete edi. Şimdi «Ukrenergo» milliy energetik şirketinden 0 megavatt kele (er dört yolaq söndürilgen).

XS
SM
MD
LG