Aqmescitte bazar künü, noyabr22-de, yerli sakinler çıraq ve dizel genaratorlarını satın ala, dep bildire Qırım.Aqiqat mühbiri.
Elektroteminlev ile bağlı meselelerden sebep Aqmescit tükânları işini teminlep olamadı ve bazıları kün devamında qapalı edi.
Yaqarlı stantsiyalarına aydavcılarnıñ uzun nevbetleri peyda oldı, maşinanı toldurmaq içün saatlernen beklemege azır.
Aqmescitte bazar künü, noyabr 22-de, bazı yerlerde svetoforlar çalışmay.
Noyabr 22-ne keçer gecesi Herson vilâyetiniñ Çaplinka qasabası rayonında patlavlar yüz berdi. Qırım qamaçavı boyunca vatandaşlıq qamaçavı ştabında bildirilgeni kibi, «Qırımnı elektrika ile teminlegen elektrik bericileriniñ yolağı tüşti ve ğayrıdan tiklenemez».
Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Qırım Fevqulâde işler nazirligi fevqulâde vaziyetniñ kirsetilmesi aqqında teniyeley.
«Krımenergo» malümatına köre, Ukraina ağından elektrik energiyası ile teminlev 1 210 megavatt miqarında etile edi. Qırımnıñ orta qullanuvı – 1100 megavattnı teşkil ete edi. Şimdi «Ukrenergo» milliy energetik şirketinden 0 megavatt kele (er dört yolaq söndürilgen).
