Link açıqlığı

«Ukrenergo» devlet şirketiniñ brigadaları Herson vilâyetinde patlanğan elektrik tiremelerini dört künde tamirlemege azır. Bunı, Herson vilâyet devlet memuriyeti bildirgeni kibi, acele ştabnıñ toplaşuvında vilâyet devlet memuriyetiniñ başı Andrey Putilovnıñ yolbaşçılığında, noyabr 22 künü, «Ukrenergo» Herson elektrik ağlarınıñ reberi İgor Bosko bildirdi.

Onıñ sözlerine köre, baş ofisten avale kelse, «Ukrenergo» brigadaları Geniçesk ve Çaplinka rayonına 40 daqqada kelip, Qırım territoriyasına elektrik energiyası keçken elektrik yolaqlarınıñ bozulğan tiremelerini tamirlemege azır.

Aytqanı kibi, al-azırda tamir brigadaları ve şirketniñ tehnikası Novaya Kahovka bazasında buluna.

«Bunıñ olacaq vaqtı memleket yolbaşçılığınıñ qamaçav iştirakçileri ile keçirilgen munaqaşalarınıñ neticelerine bağlı. Şimdi energetik qurşavı faalleri ile şirketniñ tehnikiy brigadasınıñ keçmesi aqqında añlaştılar. İşbu brigada ağlarnıñ vaziyetini nezaret etecektir», – denile memuriyetiniñ beyanatında.

Noyabr 22-ne keçer gecesi Herson vilâyetiniñ Çaplinka qasabası rayonında patlavlar yüz berdi. Qırım qamaçavı boyunca vatandaşlıq qamaçavı ştabında bildirilgeni kibi, «Qırımnı elektrika ile teminlegen elektrik bericileriniñ yolağı tüşti ve ğayrıdan tiklenemez».

Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Qırım Fevqulâde işler nazirligi fevqulâde vaziyetniñ kirsetilmesi aqqında teniyeley.

«Krımenergo» malümatına köre, Ukraina ağından elektrik energiyası ile teminlev 1 210 megavatt miqarında etile edi. Qırımnıñ orta qullanuvı – 1100 megavattnı teşkil ete edi. Şimdi «Ukrenergo» milliy energetik şirketinden 0 megavatt kele (er dört yolaq söndürilgen).

XS
SM
MD
LG