Link açıqlığı

Qırımtatar ressamı Aqmescitte master-klass keçirecek


Cumaertesi künü, noyabr 21-de, qırımtatar ressamı Nuri Yakubov Aqmescitte «Fes» art-merkezinde master-klass keçirecek. Bu aqta art-merkezniñ matbuat hızmeti bildire.

«Nuri Yakubovnıñ icadında Qırım manzaraları, çeşme ve camiler ile soqaqalrı, qadimiy evler, yüzüm bağları, bağça ve qırımtatar tarihınıñ ve zemanesiniñ diger mecalları öz aksini taptı»

Master- klass devamında ressam ustalığınıñ sırlarını açacaq. Ressamcılıq dersi em tecribeli ressam, em usta olmağanlarğa meraqlı olur, denile beyanatta.

İstegenler yağ boyasınen resim yapuv tehnikasını, keten azırlav sırlarını ögrene bilecek. Öz işiniñ neticesini – azır resimni – usta şegirtleri yanına ala bilir.

XS
SM
MD
LG