Link açıqlığı

Qırımda «Yıldız» qırımtatar mecmuasınıñ muarririyetine ücüm ettiler


Noyabr 18-den 19 kününe keçer gecesi belgisiz şahıslar Aqmescitte yerleşken «Yıldız» qırımtatar mecmuasınıñ muarririyetine sürip kirmege tırıştı. Bu aqta yazıcı Riza Fazılov Facebookta yazdı.

«Noyabr 18-den 19 kününe keçer gecesi nasıldır bir unsurlar «Yıldız» mecmuasınıñ muarririyetine kirmek niyeti ile penceredeki demir parmaqlıqlarını qırdı. Amma, çastımızğa, içeri kirip olamadılar, bir şey keder etkendir», – dey o.

Qırımtatar neşirlerine bundan da evel ücüm etilgen edi. 2015 senesi avgust başında Aqmescitte «Yañı dünya» qırımtatar gazetasınıñ muarririyetinde belgisiz şahıslar ortalıqnı darma-dağın etip, mülkni hırsızlağan ediler.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG