Link açıqlığı

«Oppozitsionnıу Blok» firqasından Ukraina halq deputatı Vadim Rabinoviç dey ki, Qırım işğali vaqtında ukrain akimiyeti yarımadada nezaretini saqlamaq içün bir şey etmedi.

Bu aqta o noyabr 20 künü Qırım.Aqiqat Radiosınıñ saba efirinde bildirdi.

«Bir taraftan onı ala ediler, başqa taraftan ise onı bermemek içün bir şey yapmadılar, aksine, buña sanki yardım etkenler», – dey Rabinoviç.

Radioefirniñ diger musafiri Ukraina Yuqarı Radasınıñ sabıq deputatı, «Aq küçü» idare şurasınıñ reisi Andrey Sençenko aytqanı kibi, Rusiye Qırımğa Maydan vaqiaları vaqtında degil de, bundan evel köz taşladı.

«Vladimir Konstantinov (Qırım parlamentiniñ reisi – QA) 1954 senesi qararı boyunca vesiqalarnı daa 2013 senesi küzde ögrenmekte edi. Bu aqta laflar studentlerniñ Maydanğa çıqması ve Maydanda köteklenmesinden bayağı evel yürsetile edi. Avropa maydanında birinci mitingden evel. Rusiye er vaqıt bu stsenariyni nazarda tuta edi», – dey Sençenko.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG