Link açıqlığı

Qırımda on biñlerce iş yeri bar, amma ufaq aylıqlar sebebinden insanlar olarnı toldurmağa aşıqmay, dey Qırımnıñ rusiyeli Devlet Şurasınıñ başı Vladimir Konstantinov.

«Bugün Qırımda işsizlik yoq, on biñlerce iş yeri açıldı. Çeşit sebeplerden insanlar kelmey: bir yerde aylıq ufaq, başqa yerde işni begenmeyler», – dedi o «Krımskaya pravda» gazetasına bergen intervyü devamında.

Aytqanı kibi, yarımadada işlep çıqarılğan programmalarnı amelge keçirmek içün «yarımadağa iş küçüni ketirmege kerek olur».

«Bunı yapmağa qolay olmaz, çünki aylıqlarımız qıtada olğanı kibi yüksek degil», – şikâyet ete Konstantinov.

Şunı da qayd etti ki, qurucılıq saası ayrıca işçilerge muhtac. Bunıñ ile, sözlerine köre, köy hocalığı ile oğraşqan iş adamları bereketni cıyacaq insan yoq olğanınа şikâyet ete. Kurort saasına mevsim boyunca çalışacaq hadimler yetişmey.

XS
SM
MD
LG