Link açıqlığı

Qırımda kene sirenalarnı işletecekler, ealini telâşlanmamaq çağıralar


Qırım boyunca rusiyeli Fevqulâde işler nazirliginiñ idaresi yarımada ealisini haberdar etüv tertibatını teşkerecek ola. Yarımada sakinlerini raat olmağa çağıralar.

Bu aqta Qırım rusiyeli ükümetiniñ saytında aytıla.

Şu cümleden, sirenalarnı 2015 senesi noyabr 26 künü teşkerecek olalar.

Malümatqa köre, sirenalarnı (yerli vaqıtqa köre) saat 10:00, 13:00 ve 15:00 işletecekler.

Rusiye Qırımnı 2014 senesi işğal etkeninden soñ, yarımadada daima Aqmescit ve Aqyarda haber etüv sistemalarını teşkereler.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG