Link açıqlığı

Zaporojye göñüllileri Qırım qamaçavı boyunca vatandaşlıq aktsiyası iştirakçilerine yardım ketirdi.

Qırım.Aqiqat mühbiri bildirgeni kibi, qış urbası, minder, aşayt malları, pişken ötmekni göñülliler Qırım ile memuriy sıñırdaki «Çonğar» kiriş noqtası yanında yerleşken «Pravıy sektor» bazasına teslim ettiler.

«Çonğarğa keldik, çünki Qırımnıñ qamaçavına bütünley qol tutamız. Qırım – Ukrainadır. Duşman memleketiniñ muvaqqat işğalinde yaşağan topraqtır», – dedi Qırım.Aqiqatqa Zaporojye göñülli merkeziniñ temsilcisi, ATO zonasınıñ göñüllisi Lübov Leonova.

Aytqanı kibi, Zaporojye göñüllileri Qırım qamaçavı iştirakçilerine yardımnı daimiy sürette ketirecekler.

Bundan evel Qırım qamaçavınıñ iştirakçileri olarğa kerek olğan şeylerniñ cedvelini aşkâr ettiler, şu sırada çamaşır maşinaları, ilâclar.

Sentâbr 20 künü Qırımğa aşayt malları ile qatnağan yük maşinalarınıñ qamaçavı boyunca Qırımtatar Milliy Meclisiniñ aktsiyası başlandı. Aktsiya idare şurasınıñ malümatına köre, memuriy sıñırdan yolcular ve yengil naqliyat maniasız keçecektirler.

Qamaçav teşebbüsçileri degeni kibi, ukrain şirketleri Qırım ile ticariy munasebetni toqtatmaq kerek, çünki yarımada territoriyası Rusiye Federatsiyası tarafından işğal etilgen. Teşkilâtçılarnıñ malümatına köre, olarnıñ talapları yerine ketirilmegence, qamaçavnı toqtatmaycaqlar, yani siyasiy mabüslerniñ azat etilmesi, mustaqil matbuat vastalarına basqı kösterilmemesi, yarımadağa halqara nezaretçilerniñ kelmesi, qırımtatarlarğa qarşı areketlerniñ toqtatılması ve ilâhre.

XS
SM
MD
LG