Link açıqlığı

Ukrain Helsing birliginiñ adliye merkeziniñ reberi Boris Zaharov dey ki, Ukraina işğal etilgen topraqları bar olğan memleketlerniñ qanuniyetini diqqatlıcа ögrenmeli, misal içün Moldova ve Gürcistannıñ ve eyisini özünde qullanmalı.

Bunı o Qırım.Aqiqat Radiosınıñ saba efirinde noyabr 19 künü bildirdi.

«Moldovada Pridnestrovyeniñ (Moldovanıñ 1992 senesinden Kişinövğa tabi olmağan separatist regionı – QA) bütün şirketlerni qayd ettiler ve faaliyet köstermek içün olar Moldova territoriyasında qayd etilmek ve bergi ödemek kerek edi. Böyleliknen, Prindnestrovyeniñ şirketleri Moldova şirketleri oldı», – dey o.

Adliyeciniñ fikrine köre, Ukraina tasil saasında Gürcistannıñ uzaqtan tasil aluv tecribesinden faydalana bile. Zaharovnıñ degeni kibi, şimdi Rusiye nezareti altında olğan Qırım yaşlarına ukrain tasiline daa da keñ irişim açılmalı.

«Menimce, Ukrainada qırımlılar davet etilecek bir sıra halqara konferentsiya, ilmiy ve medeniy tedbirlerniñ keçirilmesi kerektir», – dey Zaharov.

Evel bildirilgeni kibi, Boris Grinçenko adına Kiyev universitetiniñ pedagogik tasil institutı Ukrainanıñ işğal etilgen territoriyalarında yaşağan talebeler içün uzaqtan tasil aluv leyhasınıñ çerçivelerini keñişlete.

XS
SM
MD
LG