Link açıqlığı

Saatnıñ esas haberi

Aksenov: Qırımda Ukrainanıñ gizli tarafdarları bar


Qırımnıñ Rusiye başı Sergey Aksenov aytqanı kibi, yarımadada Ukraina tarafdarları daa bardır. Bunı o Rusiye prezidenti Vladimir Putinniñ süreti ile bill-boardlarnı bozğan eki studentniñ yaqalanuvını izaatlap ayttı, haber ete akimiyet tarafdarı Krıminform haber agentligi.

«Qırımlılar edi. Oquv yurtlarında ukrain devletiniñ gizli tarafdarları daa bardır. Taqiqat tafsilâtlarını bilmeyim. Tış reklamanı, şu cümleden liderniñ süreti ile bill-boardlarnı bozğan eki insannıñ yaqalanuvı aqqında bilem. Qarar alındı», – dey Aksenov.

Onıñ sözlerine köre, taqiqat studentlerniñ areketlerini sımarlağan şahısnı tapmağa tırışı. «Olarğa böyle işni kim berdi, meraqlı, bunı sımarlağan insanlarnı tapmağa kerek… Er alda, bu içün em cinaiy ve memuriy qanuniyet nazarından cezalandıracaqmız», – dep qayd etti o.

Studentelerniñ yaqalanuvı aqqında resmiy malümat ne Rusiye akimiyeti, ne Qırımnıñ uquq qoruyıcı organlarınıñ saytında bar.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG