Link açıqlığı

Saatnıñ esas haberi

Rusiye advokatı «Qırım qanunsızlığı» Rusiyede başlana bileceginden saqına


«Agora» ükümetke baqmağan Rusiye uquq qoruyıcı regionlarara birliginiñ avdokatı Aleksandr Popkov dey ki, Qırımda «FSB ve uquq qoruyıcılar tarafından qanunsızlıq üküm süre». Qırım.Aqiqatqa bildirgeni kibi, böyle allar atta Rusiye ameliyatında bile yoq edi.

Onıñ sözlerine köre, Qırımda soñ bir buçuq yıl devaminda olğan vaqialar Rusiye qanunları yarımadada Rusiyede olğanı kibi qullanılmağanını tasdiqlay.

«Qanuniyet asılında qullana demege bile qıyın. Seni uquq qoruyıcılar soqaqta ursa, başına çuval bağlap, GAZçıqqa tıqsa, Aqmescitni dolaşıp, evine tintüv içün ketirseler – qanuniyet degil. Qanunsızlıq ve saçmalıqtır. Rusiyede bunı tek nasıldır bir Kavkaz cumhuriyetlerinde ete bileler», – dey advokat.

Popkovnıñ sözlerine binayen, onı ve onıñ Rusiye zenaatdaşlarını qırımlılarğa nisbeten FSB ve uquq qoruyıcılarnıñsıq qanunsız areketleri qasevetlendire.

«Qırım bizni pek qasevetlendire, çünki uquq qoruyıcılarnıñ bütün bu Qırım ameliyatı Rusiyege keçe bile. Şimdilik bizde böyle allar siyrek rastkele», – dey o.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG