Aqmescitniñ acele yardım stantsiyasına ücüm etüvde şeklengen Bekir Nebiyev bağrına atılğan qurşundan vefat etti. Cesedi Aqmescit civarında tapıldı, yanında silâ bar edi, dep bildirde RİA Novosti agentligine Rusiye Federatsiyasınıñ Taqiqat komitetiniñ Qırım idaresi reberiniñ birinci yardımcısı Yevgeniya Belikova.
«Mahkeme-tibbiy teşkerüvniñ neticeleri azır, malümatqa köre, qabaatlanğan şahısnıñ ölümi ücüm etilgen künü yüz berdi. Ölüm sebebi – bağrına etilgen atış. Yapılğan bir sıra teşkerüvlerge köre, atış cesetniñ yanında tapılğan silâdan etildi», – tarif etti Belikova.
Onıñ sözlerine köre, Nebiyev öz-özüni öldürgeni aqqında qarar daa çıqarılmadı.
Oktâbr 10 künü Aqmescit civarında sentâbr 26-da Aqmescitniñ «acele» yardım stantsiyası hadimleriniñ öldürürvinde şeklengen Bekir Nebiyevniñ cesedi tapıldı.
