Kiyevde, Ukraina milliy edebiyat müzeyinde noyabr 18 künü «Alim» birinci qırımtatar sessiz filmi kösterilecek.
Bu aqta Facebook saifesinde «Tamğa» medeniyet ve üner merkezi bildire.
«Kino-teatr» saytı bildirgeni kibi, «Alim» filmi (ekinci serlevası «Alim – Qırım aydutı») 1926 senesi Yalta kinostudiyasında çıqarıldı. Film Rejissörı Georgiy Tasin, stsenarist – Nikolay Bajan. Aktörlar: Hayri Emir-zade, Aleksandr Arbo, Asiye Emir-Zade, İvan Arbenin-Padohin.
Filmniñ birinci taqdimi 1926 senesi olıp keçti. Film drama janrında çıqarıldı. Köylüniñ adaletsizlikke qarşı küreşi aqqında halq efsanesidir. 1935 senesi film altı qısımğa qısqartıldı ve yañı muarririyette çıqarıldı.
