Link açıqlığı

Qırım qamaçavınıñ iştirakçileri aşayt malları ve bütün zaruriy şeylernen teminlengen. Bunı Geniçesk rayon memuriyetiniñ (Herson vilâyeti) reisiniñ muavini Aleksey Sışçenko bildirdi, haber ete vilâyet devlet memuriyetiniñ matbuat hızmeti.

«Rayon akimiyeti tarafından aktsiya iştirakçilerine bütün zaruriy şeylerni bermege tırışamız. Misali içün, ilâclar, aşayt malları. Odun, keçken afta cuma kününe, daa üç aftağa yetecek miqdarında edi», – dey Sışçenko.

«Faaller bizden yardım sorasalar, elimizden kelgenini yapmağa tırışamız», – dey o.

Onıñ sözlerine köre, aktsiya tınç keçe, iştirakçileri tarafından bozuluv, tarikler yapılmay.

Sışçenkonıñ aytqanı kibi, noyabr 19-na qadar «Çonğar» kiriş/çıqış nezaret noqtasınıñ gümrük ve sıñır hızmeti hadimleriniñ bulunuv yeriniñ avuştırıluvı boyunca işler soñunda yetecek.

Sentâbr 20 künü Qırımğa aşayt malları ile qatnağan yük maşinalarınıñ qamaçavı boyunca Qırımtatar Milliy Meclisiniñ aktsiyası başlandı. Aktsiya idare şurasınıñ malümatına köre, memuriy sıñırdan yolcular ve yengil naqliyat maniasız keçecektirler.

Qamaçav teşebbüsçileri degeni kibi, ukrain şirketleri Qırım ile ticariy munasebetni toqtatmaq kerek, çünki yarımada territoriyası Rusiye Federatsiyası tarafından işğal etilgen. Teşkilâtçılarnıñ malümatına köre, olarnıñ talapları yerine ketirilmegence, qamaçavnı toqtatmaycaqlar, yani siyasiy mabüslerniñ azat etilmesi, mustaqil matbuat vastalarına basqı kösterilmemesi, yarımadağa halqara nezaretçilerniñ kelmesi, qırımtatarlarğa qarşı areketlerniñ toqtatılması ve ilâhre.

XS
SM
MD
LG