Link açıqlığı

Aqmescitniñ Kiyev rayon mahkemesi noyabr 17 künü fevral 26 vaqiaları boyunca yaqalanğan ve apiste bulunğan eki qırımtatar faali Ali Asanov ve Mustafa Degermenciniñ tevqif müddetlerini 2016 senesi fevral 19-na qadar uzattırdı, olar şimdi Aqmescitniñ SİZOsında bulunalar.

Qırım.Aqiqat mühbiri bildirgeni kibi, apiste bulunuv müddetini uzattırmaq qararını mahkeme iştirakçilerniñ «gizlenmesi ve şaatlarğa basqı etmesi mümkün» olğanı ile añlattı. Bunıñ ile mezkür iş boyunca taqiqat tedbirleri daa soñuna yetmegenini qayd ettiler.

Ali Asanovnıñ advokatı Aleksandr Katelin işbu qararğa itiraz bildirecegini qayd etti.

Aqmescitte mahkeme binası yanında bir 50 insan toplanlı – iş iştirakçileriniñ yaqınları ve tuvğanları. Mında 10 politsiya hadimi turmaqta.

Salı künü Qırımda Qırımtatar Milliy Meclisi reisiniñ muavini Ahtem Çiygoznıñ işi boyunca mahkeme toplaşuvı keçmeli. İşi, avdokatı Emil Kürbedinov aytqanı kibi, 20 cılttan ibaret.

Üçü de SİZOda buluna. Olarnı bir buçuq yıl evelsi 2014 senesi fevral 26-da Qırım parlamenti yanında teşkil etilgen «kütleviy tertipsizlik»lerde iştirak etkenleri sebebinden qabaatlaylar.

XS
SM
MD
LG