Salı künü Qırımda Qırımtatar Milliy Meclisi reisiniñ muavini Ahtem Çiygoznıñ işi boyunca mahkeme toplaşuvı keçmeli. İşi, avdokatı Emil Kürbedinov aytqanı kibi, 20 cılttan ibaret.
Noyabr 17 künü daa eki qırımtatar faali – Ali Asanov ve Mustafa Degermencige, Ahtem Çiygoz kibi «fevral 26 işi»niñ iştirakçileri olğanlarğa ceza qararını belgileycek mahkeme toplaşuvları da keçirilmeli.
Üçü de SİZOda buluna. Olarnı bir buçuq yıl evelsi 2014 senesi fevral 26-da Qırım parlamenti yanında teşkil etilgen «kütleviy tertipsizlik»lerde iştirak etkenleri sebebinden qabaatlaylar.
