Link açıqlığı

Qırım qamaçavı yarımadağa mal ketirilmesiniñ üçte bir qısmını qısqarttı – Ukraina Devstat


«Qırım» serbest iqtisadiy zonasına 2015 senesi sentâbr ayında qıtaiy Ukraina tarafından mal ketirilmesi$ 44,6 mln teşkil etti, ay evelsi olğanından 31,1% azdır, bunı Ukraina Devlet statistika hızmeti bildire, haber ete «İnterfaks-Ukraina».

Onıñ malümatına köre, Qırımdan malnıñ ketirilmesi bu ayda da aynı qaldı – $2,3 mln.

Bu sene yanvar-sentâbr ayları Qırımğa qıtaiy Ukrainadan $654,6 mln miqdarında mal ketirildi, $25,5 mln çıqarıldı – 25,7 qat az.

Sentâbr 20 künü Qırımğa aşayt malları ile qatnağan yük maşinalarınıñ qamaçavı boyunca Qırımtatar Milliy Meclisiniñ aktsiyası başlandı. Aktsiya idare şurasınıñ malümatına köre, memuriy sıñırdan yolcular ve yengil naqliyat maniasız keçecektirler.

Qamaçav teşebbüsçileri degeni kibi, ukrain şirketleri Qırım ile ticariy munasebetni toqtatmaq kerek, çünki yarımada territoriyası Rusiye Federatsiyası tarafından işğal etilgen. Teşkilâtçılarnıñ malümatına köre, olarnıñ talapları yerine ketirilmegence, qamaçavnı toqtatmaycaqlar, yani siyasiy mabüslerniñ azat etilmesi, mustaqil matbuat vastalarına basqı kösterilmemesi, yarımadağa halqara nezaretçilerniñ kelmesi, qırımtatarlarğa qarşı areketlerniñ toqtatılması ve ilâhre.

XS
SM
MD
LG