Aqmescitte Tolerantlıq kününe bağışlanğan «Qırım medeniyetleriniñ top çeçegi» cumhuriyet festivali seyircilersiz keçti, dep bildire Qırım.Aqiqat mühbiri.
Lenin meydanında mevzularğa bölüngen kontsert programması içün «Dostluq yarımadası» sanası qoyuldı. Amma Qırımnıñ milliy taqımları ve milliy-medeniy muhtariyetlerniñ icadiy taqımları boş sana ögünde çıqışta bulundı. Yağmurdan sebep seyirciler kelmedi.
Festival «Halqlar dostluğı evi» tarafından teşkil etildi. Teşkilâtçılarnıñ aytqanı kibi, festivalniñ maqsadı – yarımada halqlarınıñ urf-adetleriniñ rağbetleştirüvi ve milletlerara barışıqnıñ pekitilmesidir.
Milliy çadırlarnıñ planlaştırılğan prezentatsiyası olmadı. Aqşam Devlet akademik muzıkalı teatrinde gala-kontsert keçti.
