Link açıqlığı

Noyabr 17 sabası Qırım territoriyasında 21 meskün yer ışıqsız qala, 4 – qısmen.

Bu aqta Qırımda Fevqulâde işler nazirligi idaresiniñ matbuat hızmeti bildire.

«Umumen ışıqsız 13144 insan qaldı. Ayat teminlev ve içtimaiy emiyeti olğan obyektler söndürilmedi», – denile beyanatta.

Malümatqa köre, qazaiy işlerni «Krımenergo»nıñ 27 brigadası alıp bara.

Evel bildirilgeni kibi, Qırımda noyabr 16-da aqşam ava şaraitlerinden sebep 17 meskün yer ışıqsız qaldı.

Bundan evel Qırımda Fevqulâde işler nazirligi idaresininh matbuat hızmeti yarımadada noyabr 16-17 künleri küçlü yağanaqlar, bazı yerlerde şiddetli yağmur ve qarnıñ yağması beklenilgeni aqta acele bildirüvni aşkâr etken edi.

XS
SM
MD
LG