Link açıqlığı

Saatnıñ esas haberi

Qırımda ava şaraitleriniñ bozuluvı aqqında bildireler. Acele tenbiyeni noyabr 16 künü, bazarertesi, Qırımda Fevqulâde işler nazirliginiñ matbuat hızmeti aşkâr etti.

Qırım gidrometeorologiya idaresiniñ malümatına köre, noyabr 16-da kündüz ve noyabr 17-de gece Qırımda zor ava şaraitleri beklenile: küçlü yağanaqlar, bazı yerlerde küçlü yağmur ve qar.

Beyanatqa köre, yarımadada şiddetli cenübiy-ğarbiy yel saniyede 25-30 metr şimaliy-ğarbiy yelge keçecek, dağlarda yel küçü saniyede 35 metrge qadar yetecek.

Noyabr 16-da saba Aqyarnıñ rusiyeli ükümetiniñ saytında bildirilgeni kibi, ava şaraitlerinden sebep katerlerniñ areketi toqtatılğan edi.

«Deñiz müdirligi» Keriç keçitiniñ qapatılması mümkün olğanı aqqında tenbiyeley ve yolcularnı o tarafqa barmamaq çağıra.

XS
SM
MD
LG