Qarasuvbazar Cuma camisinde muqaddes Qurandan alınğan vaqialarnıñ sanalaştıruvını kösterdiler. Tedbirni mında noyabr 14 künü keçirilgen Quran bayramına bağışladılar, haber ete Qırım.Aqiqat mühbiri.
Tedbir şeerniñ Cuma camisinde keçirilgen diniy maarif boyunca tasil leyhalarınıñ birinci qısmını yekünledi. Kiriş sözü ile Qırım musulmanları müftisiniñ muavini Esadullah Bairov, Qarasuvbazar Cuma camisiniñ imamı Server Acıemir, cemaatçı Talât İlyasov çıqışta bulundılar.
Tedbir devamında talebeler, em bala, em de büyükler, Quran oqudı ve Quranda tasvir olunğan vaqialar boyunca sanalaştıruvnı köstterdiler.
Qurannı oquv kurslarınıñ telebelerini musulmanlarnıñ muqaddes kitabınıñ nushaları ile mukâfatlandırdılar.
2014 senesi aprel 24 künü Qarasuvbazarda Cuma-Caminiñ açılışı olıp keçti. Teşebbüsçi ve sponsorları – ağa-qardaş Resul ve Remzi Velilâyevlerdir.
