Link açıqlığı

Halqara siyasetşınas Aleksey Kaftan dey ki, Rusiyede teraktlarnıñ olması – qaçınmaz. Aytqanı kibi, buna Rusiye Federal havfsızlıq hızmetiniñ hadimleri de isse qoşa bile.

Bunı o noyabr 16 künü Qırım.Aqiqat Radiosı efirinde bildirdi.

Fikrine köre, Rusiye özüni etraf müitten ayırmağa qarar aldı ve bunı soñuna qadar becermek içün bütün zaruriy şeylerni yapacaq, şu cümleden «ealini qorquzacaqtır».

«Bunı (teraktlarnı – QA) musulmanlar yapmasa, FSB yapar, ekinci variantnıñ olmasına meyil berem», – dedi Kaftan.

Pariste cuma künü, noyabr 13-de, gece yüz bergen teraktlardan sebep 132 insan elâk oldı, bir çoq adam yaralandı. Frenkistan prezidenti Francois Hollande aytqanı kibi, Pariste ücümler «İslâm devleti» teşkilâtınıñ boyevikleri tarafından yapıldı.

Rusiye prezidenti Vladimir Putin Paristeki teraktlarnı insaniy medeniyetke çağıruv olaraq adladı ve frenk tarafına taqiqat yardımını teklif etti.

XS
SM
MD
LG