Link açıqlığı

Rusiye akimiyetine qırımtatarlarnı terrorist olaraq köstermege elverişli olsa, bunı yapar – siyasetşınas


Halqara siyasetşınas Aleksey Kaftan dey ki, Rusiyede endi «islâm mevzusınıñ radikalleştirilüvi» yüz bere ve akimiyet buña qarşı küreşni, şu cümleden nezareti altında olğan Qırım toprağında da, başlay bile.

«Mında sual şunda: qırımtatarlarnıñ ilerideki yabancılaşuvı ne derecele aktuаl olacaq. Olarnıñ terrorist olaraq kösterilmesi elverişli olsa, Rusiye akimiyeti ise bunı defalarca yapmağa tırışqan edi, terrorist olaraq köstererler», – dey Kaftan.

Keçken afta internette «İslâm devleti» teşkilâtınıñ temsilcileri «Rusiye sakinlerine qanlı intiqamnı» vade etip, videorolikni aşkâr ettiler. Mında olar «yaqın vaqıtta Tataristan, Ural, Kavkaz ve atta Qırımnı zapt etmek» niyetleri aqqında bildirdiler.

Bu sebepten Qırımtatar Milliy Meclisi qorqunı bildirdi. Şu cümleden, Qırımtatar Milliy Meclisi resiniñ birinci muavini Nariman Celâl Qırım musulmanları soñ vaqıtları rusiyeli FSB hadimleriniñ nezareti altında olğanını qayd etti. Fikrine köre, Rusiye mahsus hızmetleri İGİL videosınıñ peyda oluvını faaller ve İslâm dinini kütken insanlarğa qarşı repressiyalarnıñ arttırılmasına sebep olaraq qullana bile.

XS
SM
MD
LG