Link açıqlığı

Qırımtatar Milliy Meclisiniñ temsilcileri Meclis reisi Refat Çubarov ile bazar künü, noyabr 15-de, Kiyevde Frenkistan elçihanesi binasına şu künleri memleket paytahtında yüz bergen teraktlar qurbanlarınıñ hatırasına çeçeklerni ketirdi.

Refat Çubarov Ukrainada Frenkiçtan elçisi İsabel Dümon ile körüşti ve Frenkistan halqına işbu facia sebebinden taziyelerini bildirdi, bunıñ ile Meclis reisi taziyeler kitabında yazı qaldırdı.

Qırım.Aqiqat mühbiri bildirgeni kibi, Çubarov ile birlikte elçihanege Qırımtatar halqınıñ aq-uqqlarını qorçalav komitetiniñ idarecisi, Meclis azası Eskender Bariyev, Qırımtatar Milliy Meclisniñ azası Gayana Yüksel, Qırımtatar halqınıñ aq-uquqlarını qorçalav komitetiniñ azası Sinaver Kadırov, ATR qırımtatar telekanalınıñ müdir muavini Ayder Mujdabayev kelgenler.

Ücümler Pariste noyabr 13-den 14-ne keçer gecesi yapıldı. Frenkistanda üç künlük milliy matem ilân etilgen.

XS
SM
MD
LG