Link açıqlığı

Qırımda belgisiz şahıslar Canköy rayonı Küçük Alqalı (Zavet-Leninskiy) köyünde yerleşken caminiñ eki penceresini qırdı. Vaqia noyabr 14-ne keçer gecesi yüz bergendir.

Qırım.Aqiqatqa Canköy regional meclisiniñ reisi Rutsem Enannov aytqanı kibi, bunı cumaertesi künü, noyabr 14-de, kündüz yerli sakinler kördi. «Yani, pencerelerniñ gece qırılması aqqında aytmağa mümkün», – dey Ennanov.

Sözlerine binayen, vaqia yerine politsiya hadimleri çağırıldı: «Taqiqat areketlerini keçirdi, parmaq izlerini çıqardı, cinayetni protokolğa yazdılar».

Bunı kim yapa bile edi kibi sualge Ennanov cevap berip olamadı. «Bunı kimse bilmey. Evel bu köyde böyle bir şey yoq edi», – dedi o.

Bu sene sentâbr ayında Aqmescitte Cuma cami qurucılığı yerinde belgisiz şahıslar bina isarında asılğan bir qaç levhanı boya ile lekeledi ve yırtıp qoydılar.

XS
SM
MD
LG