Link açıqlığı

AQŞ bazar künü, noyabr 15-de, 97 yaşına yetken qırımtatar aktrisası Ayşe Mustafayevna Dittanova vefat etti.

Bu aqta Amerika Qoşma Ştatlarında qırımtatar diasporasınıñ temsilcisi Rustem Borluca öz Facebook saifesinde bildirdi.

QHA malümatına köre, Ayşe Dittanova 1918 senesi fevral 27-de Yalta yanındaki Dereköy köyünde dünyağa keldi. Qırım drama teatri yanındaki oquv yurtunı bitirip, Ayşe hanım işbu teatrniñ truppasına qoşuldı.

Qırımtatarlarnıñ sürgünligi vaqtında Ayşe Dittanova Tacikistanğa tüşti, 1946 senesi kene professional sanağa çıqtı. SSCB totalitar siyasetinden sebep Ayşe Dittanova,qırımtatar teatriniñ bir çoq aktörı kibi, milliy sanaat ile oğraşıp olamay edi.

Ayşe Dittanova 1988 senesi Qırımğa qayttı ve qırımtatar teatriniñ ğayrıdan tiklenmesi oğrunda çalışmağa başladı.

Qırımtatar halqınıñ aktrisası 97 yaşında vefat etti.

XS
SM
MD
LG