Qırımtatar Milliy Meclisi reisiniñ birinci muavini Nariman Celâl Aqmescitte salı künü, noyabr 17-ne, «fevral 26 işi» iştirakçileri – Ali Asanov ve Ahtem Çiygozğa nisbeten planlaştırılğan mahkeme toplaşuvları aqqında bildire.
Onıñ malümatına köre, salı künü Mustafa Degermencige de ceza qararı baqıla bile.
Qırım SİZOlarında qırımtatar milliy areket faalleri Ahtem Çiygoz, Ali Asanov ve Mustafa Degermenci bulunmaqta. Olarnı bir buçuq yıl evelsi 2014 senesi fevral 26-da Qırım parlamenti yanında teşkil etilgen «kütleviy tertipsizlik»lerde iştirak etkenleri sebebinden qabaatlaylar.
