Link açıqlığı

Ümerov: Tış işler nazirliginiñ «Rusiye reineleri» süretleriniñ galereyasında qırımtatarlar yoq


Qırımtatar Milliy Meclisi reisiniñ muavini İlmi Ümerov Rusiyede siyasiy mabüs-ukrainler süretleri galereyasını toldurmağa kerek olğanı aqqında tüşüne. Ukrainlerniñ süretleri Ukraina Tış işler nazirliginiñ binası ayatlarında asılğan.

«Ukrainada er şey pek yavaş deñişe. Galereyada Çiygoz, Asanov, Degermenci soyadlarını yerleştirmege unutqanlar… Tüzetmek kerek…», – yazdı o Facebookta.

Şu künleri Ukraina Tış işler nazirliginde Rusiyede bulunğan ukrain siyasiy mabüsleriniñ süretlerini astılar: Nadejda Savçenko, Оleg Sentsov, Aleksandr Kolçenko, Aleksey Çirniy, Gennadiy Afanasyev, Nikolay Karpük, Stanislav Klih, Sergey Litvinov, Valentin Vıgivskiy ve Yuriy Soloşenko.

Qırımda «fevral 26 işi» boyunca noyabr 19-na qadar Meclis reisiniñ muavini Ahtem Çiyoz, dört ufaq balanıñ babası Ali Asanov ve Mustafa Degermenci apiste buluna.

XS
SM
MD
LG