Link açıqlığı

Qırımtata halqınıñ aq-uquqlarını qorçalav komitetiniñ idarecisi. Meclis azası Eskender Bariyev dey ki, politsiya hadimleri Qırımda ev-evden yürip, qırımtatar faalleri aqqında malümat toplamağa devam ete.

Onıñ sözlerine binayen, bu maqsat ile çeşit turmuş sebeplerinden faydalanalar.

«Tahminen saat 23:00 faalniñ evine politsiya hadimleri kelip, qomşusı aqqında soramağa başladılar, dersiñ, o, samogon sata. Sizge keder etmeymi? Aynı zamanda faalniñ özü aqqında malümat toplamağa başladılar. Bir deputatnıñ isarında birev: «Ukrainanı sevem» dep yazdı. Politsiya hadimleri qomşu soqaqta yaşağan faal vatandaşqa kelip, soraştırdılar, onıñ aqqında malümatnı yazıp aldılar. Birevden sanki telefonnı çaldılar deyler ve faal insanğa kelip, malümat toplaylar», – yazdı Bariyev Facebookta.

Şu cümleden, degeni kibi, politsiya faallerniñ doğuv yerleri aqqında, Qırımğa avdet olğanlarından evel iş yerleri, avdet tarihı, faaliyeti aqqında soraylar.

Meclis, uquq qoruyıcılar, halqara da, şu sırada, Qırım Rusiye tarafından işğal etilgeninden soñ yarımadada qırımtatar faallerine basqı etilgeni aqqında defalarce aytqan edi. Yerli akimiyet bu malümatnı «abartılğan» dep tanıy.

XS
SM
MD
LG